မြန်မာနိုင်ငံခရီးသွားလုပ်ငန်းအဖွဲ့ချုပ်၏ ပံ့ပိုးကူညီမှုဖြင့် Silver Sea International Co., Ltd.မှ စီစဥ်သော နိုင်ငံတကာ စိုက်ပျိုးမွေးမြူရေး၊ စွမ်းအင်၊ စားသောက်ကုန်၊ စားသောက်ဆိုင်နှင့် ဟိုတယ်လုပ်ငန်းဆိုင်ရာပြပွဲ Agri Tech Myanmar 2024 / Myanmar Power and Machinery Show / Food and Beverage Myanmar / HoReCa Myanmar 2024 ဖွင့်ပွဲအခမ်းအနားသို့ မြန်မာနိုင်ငံခရီးသွားလုပ်ငန်းအဖွဲ့ချုပ် ဥက္ကဋ္ဌနှင့် အလုပ်အမှုဆောင်များ တက်ရောက်၍ ဖဲကြိုးဖြတ်ဖွင့်လှစ်ပေးခဲ့သည်။
အဆိုပါပြပွဲသည် ရန်ကုန်မြို့ ၊ အင်းလျားကန် ဟိုတယ်ဝင်း အတွင်းရှိ ရန်ကုန် ကွန်းဗင်းရှင်းစင်တာ YCC ခန်းမတွင် ဇွန်လ (၂၈-၃၀)ရက်နေ့ထိ ကျင်းပမည်ဖြစ်ပြီး မြန်မာနိုင်ငံခရီးသွားလုပ်ငန်းအဖွဲ့ချုပ် ညီနောင်အသင်းများနှင့် အသင်းဝင်များ ဝင်ရောက်ပြသကြပြီး အခြားစိတ်ဝင်စားဖွယ် အသင့်စား စားသောက်ကုန်နှင့် အဖျော်ယမကာများ၊ မုန့်ဖုတ်လုပ်ငန်းသုံးကုန်ကြမ်းများ၊ စားသောက်ဆိုင်နှင့် ဟိုတယ် မီးဖိုဆောင်သုံးပစ္စည်းများ၊ စားသောက်ကုန်ထုတ်လုပ်/ ထုတ်ပိုးသည့် စက်များ ပြသလျှက်ရှိကြောင်း သတင်းရရှိသည်။
