ဥယျောဇဥ်

ဟိုတယ်နှင့်ခရီးသွားလာရေးဝန်ကြီးဌာန၏ လမ်းညွှန်မှုဖြင့် မြန်မာနိုင်ငံခရီးသွားလုပ်ငန်း အဖွဲ့ချုပ်ကို ခရီးသွားလုပ်ငန်းဆက်စပ်အသင်းများဖြစ်သည့်မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း၊ မြန်မာနိုင်ငံခရီးသွားလုပ်ငန်းရှင်များအသင်း၊ မြန်မာနိုင်ငံခရီးသွား လုပ်ငန်းဈေး ကွက်မြှင့်တင်ရေးအသင်း အပါအဝင် ညီနောင်အသင်း(၁၁)သင်းဖြင့် ၂၀၁၁ခုနှစ်၊ မေလတွင် စတင် ဖွဲ့စည်းတည်ထောင်ခဲ့ပါတယ်။ ယခုဆိုရင် အဖွဲ့ချုပ်၏သက်တမ်းဟာ(၁၂)နှစ်တိုင်တိုင်ရှိပြီ ဖြစ်ပါ တယ်။ အခက်အခဲတွေကြားက (၁၂)နှစ်တိုင်တိုင် ခရီးသွားလုပ်ငန်း ဖွံ့ဖြိုးတိုးတက်ရေး လုပ်ငန်းတွေ ကို မြန်မာနိုင်ငံခရီးသွားလုပ်ငန်းအဖွဲ့ချုပ်နှင့် လက်တွဲပူးပေါင်း ဆောင်ရွက်ပေးခဲ့ကြတဲ့ ညီနောင် အသင်းများနဲ့ ခရီးသွားလုပ်ငန်းလုပ်ဖော်ကိုင်ဖက်များကို အထူး ကျေးဇူးတင်ရှိပါကြောင်း ပြောကြားလိုပါတယ်။
မြန်မာနိုင်ငံခရီးသွားလုပ်ငန်းအဖွဲ့ချုပ်သည် အစိုးရ၊ ပုဂ္ဂလိက ပူးပေါင်းဆောင်ရွက်ခြင်း ဖြင့် ပြည်တွင်း၊ ပြည်ပ ပူးပေါင်းဆောင်ရွက်ချက်များအား အရှိန်အဟုန်မြှင့်ဆောင်ရွက်ခြင်း၊ စီးပွားရေး အခွင့်အလမ်းဖန်တီးပေးခြင်းများတွင် ပံ့ပိုးဆောင်ရွက်ပေးခြင်းများ၊ လူ့စွမ်းအား အရင်းအမြစ်များ ဖွံ့ဖြိုးတိုးတက်လာအောင် စီမံခန့်ခွဲပေးခြင်းများ၊ ခရီးသွားလုပ်ငန်းဆိုင်ရာ ရင်းနှီးမြှပ်နှံမှုများအား တွန်းအားပေးခြင်း၊ ခရီးသွားလုပ်ငန်းထုတ်ကုန်သစ်များအား ဖော်ထုတ် ရှာဖွေခြင်း၊ ဈေးကွက် မြှင့်တင်ရေးမဟာဗျူဟာရေးဆွဲခြင်းများအား ညီနောင်အသင်းများနှင့် ပူးပေါင်း၍ ရေရှည်စဉ်ဆက် မပြတ် ခရီးသွားလုပ်ငန်းဖွံ့ဖြိုးတိုးတက်ရေးအတွက် အထူးအလေး ထားဆောင်ရွက်လျက်ရှိပါသည်။ ခရီးသွားလုပ်ငန်းဟာ ၂၀၂၀ ခုနှစ် မတ်လကတည်းက စိန်ခေါ်မှုများစွာရှိခဲ့သော်လည်း အစိုးရ၊ ပုဂ္ဂလိက ပူးပေါင်းဆောင်ရွက်ခြင်းဖြင့် ရေရှည် တည်တံ့သော ခရီးသွားလုပ်ငန်းဖွံ့ဖြိုးတိုး တက်ရေး အတွက် စိန်ခေါ်မှုများကို ကျော်လွှားနိုင်မယ်လို့ အပြည့်အဝ ယုံကြည်ပါတယ်။
ကိုဗစ်-၁၉၏ အကျိုးဆက်တွေကြောင့် ကမ္ဘာ့ခရီးသွားလုပ်ငန်းများ တရှိန်ထိုး ကျဆင်းခဲ့သလို မြန်မာ့ခရီးသွားလုပ်ငန်းလည်း တရှိန်ထိုး ကျဆင်းခဲ့တာ အားလုံးအသိပဲ ဖြစ်ပါတယ်။ ထိုသို့ ကျဆင်းသွားတဲ့ ခရီးသွားလုပ်ငန်းကို ပြန်လည်နလန်ထူနိုင်အောင် မြန်မာနိုင်ငံခရီးသွား လုပ်ငန်းအဖွဲ့ချုပ်နဲ့ ညီနောင်အသင်းများအနေဖြင့် ဝန်ကြီးဌာနက 2021-2025 (Myanmar Tourism Strategic Recovery Roadmap) ရေးဆွဲခဲ့တဲ့ လုပ်ငန်းစဉ်မှာလည်း ပူးပေါင်းပါဝင်ခဲ့ပါတယ်။ ၂၀၂၂ခုနှစ်၊ ဧပြီလ (၁)ရက်နေ့တွင် Business Evisa များ ပြန်လည် လျှောက်ထားခွင့်ပေးခြင်း၊ ဧပြီလ(၁၇) ရက်နေ့တွင် Commercial Flight များ ပြန်လည်ပျံသန်း ခွင့်ပြုခြင်း၊ မေ (၁၅)ရက်နေ့တွင် Tourist E-visa များ ပြန်လည်ခွင့်ပြုပေးခြင်းတို့ကြောင့် ခရီးသွား ဧည့်သည်များ ဝင်ရောက်မှု တိုးတက်လာခဲ့တာကို တွေ့ရှိရပါတယ်။ ကိုဗစ်ကျန်းမာရေး ဆိုင်ရာ ကန့်သတ်ချက်များကိုလည်း ဖြေလျော့ပေးခြင်းကြောင့် ခရီးသွားဧည့်သည်များ တဆ တဆ တိုးတက်ဝင်ရောက်လည်ပတ်လာကို မြင်တွေ့နေရပြီဖြစ်ပါတယ်။
မြန်မာနိုင်ငံခရီးသွားလုပ်ငန်းအဖွဲ့ချုပ်အနေဖြင့် ကိုဗစ်ကာကွယ်ဆေးများကို ခရီးသွား လုပ်ငန်းကဏ္ဍမှာ ဆောင်ရွက်နေကြသည့် လုပ်ငန်းရှင်များ၊ ဝန်ထမ်းများ အကြိမ်ပြည့် ထိုးနှံနိုင် ရေးအတွက်ကိုလည်း ကူညီဆောင်ရွက်ပေးခဲ့ပါတယ်။ ဆက်လက်၍ ဝန်ကြီးဌာန၏ လမ်းညွှန်မှု ဖြင့် ခရီးသွားလုပ်ငန်းကဏ္ဍက ကိုဗစ်-၁၉ရောဂါတိုက်ဖျက်ရေးတွင် တစ်ဖက်တစ်လမ်းမှ ပါဝင်ကူညီအားဖြည့်သည့်အနေဖြင့် Tourism Clinic @ Sandaku ဆေးခန်းအား အဖွဲ့ချုပ် တည်ရှိရာ ကုန်သည်လမ်းနှင့်စန္ဒကူးလမ်းထောင့်၊ ဗိုလ်တထောင်မြို့နယ်တွင် ဖွင့်လှစ်ပေးနိုင်ခဲ့ပါ တယ်။ Medical Officer (၂)ဦး နဲ့ သူနာပြုဆရာမ (၂)ဦး ခန့်အပ်၍ ကုသပေးခဲ့ခြင်းဖြစ်ပါတယ်။ ရောဂါပြန့်ပွားနှုန်း အတက်အကျပေါ်မူတည်၍ ဆေးခန်းအား (၁၅.၈.၂၀၂၁) မှ (၃၁.၁၂.၂၀၂၁) ရက်နေ့အထိ ပထမအကြိမ်အဖြစ် လည်းကောင်း၊ (၂၂. ၂. ၂၀၂၂) မှ (၂၆. ၄. ၂၀၂၂) ရက်နေ့အထိ ဒုတိယအကြိမ်အဖြစ် လည်းကောင်း ဖွင့်လှစ်ခဲ့ပါတယ်။ အဆိုပါဖွင့်လှစ်ခဲ့သည့် (၆) လတာ ကာလမှာ စုစုပေါင်းလူနာ (၁၄၉)ဦး ကုသမှုပေးနိုင်ခဲ့ပါတယ်။
နိုင်ငံတော်မှချမှတ်ထားတဲ့ ခရီးသွားလုပ်ငန်းဖွံ့ဖြိုးတိုးတက်ရေးလုပ်ငန်းစဉ်တွေမှာ မြန်မာနိုင်ငံခရီးသွားလုပ်ငန်းအဖွဲ့ချုပ်နဲ့ ညီနောင်အသင်းများမှ တတ်စွမ်းသလောက် ပူးပေါင်း ပါဝင်ဆောင်ရွက်လျက်ရှိပါတယ်။ ခရီးသွားလုပ်ငန်းကဏ္ဍမှာ မြန်မာနိုင်ငံခရီးသွားလုပ်ငန်း အဖွဲ့ချုပ်၏ အနာဂတ်ဦးဆောင်မှု ပိုမိုကောင်းမွန်စေရန် ရှေးရှု၍ မြန်မာနိုင်ငံ ခရီးသွားလုပ်ငန်း အဖွဲ့ချုပ်၏ ဖွဲ့စည်းပုံအခြေခံစည်းမျဉ်းကို ပြင်ဆင်ရေးဆွဲပြီးဖြစ်ပါတယ်။ မြန်မာနိုင်ငံခရီးသွား လုပ်ငန်းအဖွဲ့ချုပ်ကို ၂၀၁၁ခုနှစ်၊ ဧပြီလတွင် ညီနောင်အသင်း (၁၁)သင်းဖြင့် ဖွဲ့စည်းခဲ့ပြီး မြန်မာနိုင်ငံခရီးသွားလုပ်ငန်းဖွံ့ဖြိုးတိုးတက်ရေးအတွက် ပြည်တွင်း၊ ပြည်ပတွင် ညီနောင် အသင်းများနှင့် အစွမ်းကုန်ကြိုးပမ်းဆောင်ရွက်ခဲ့ပါသည်။ ၂၀၂၀ ကိုဗစ်စတင် ဖြစ်ပွားချိန်မှစ၍ ညီနောင်အသင်းများအနေဖြင့် အခက်ခဲမျိုးစုံကြုံတွေ့ရ၍ လက်ရှိမှာ အသင်း (၇)သင်းဖြင့်သာ လှုပ်ရှားလျှက်ရှိပါသည်။
မြန်မာနိုင်ငံခရီးသွားလုပ်ငန်းအဖွဲ့ချုပ်အား ပိုမိုခိုင်မာ အားဖြည့်ဖွဲ့စည်းနိုင်ရန်အတွက် ပြင်ဆင်ရေးဆွဲလိုက်သည့် ဖွဲ့စည်းပုံအခြေခံစည်းမျဉ်း (၂၀၂၃)အရ အသင်းသားအဖြစ် လက်ရှိ အသင်းအဖွဲ့များအပြင် ခရီးသွားလုပ်ငန်းဆိုင်ရာ ကုမ္ပဏီများ၊ လိုင်စင်ရစီးပွားရေး လုပ်ငန်း များ၊ ကျွမ်းကျင်ပညာရှင်များ နှင့် ခရီးသွားလုပ်ငန်းတစ်ခုခုတွင် တာဝန်ထမ်းဆောင်နေသည့် တစ်ဦး ချင်း ပုဂ္ဂိုလ်များအား ဖိတ်ခေါ်၍ ကျယ်ကျယ်ပြန့်ပြန့် တိုးချဲ့ဖွဲ့စည်းဆောင်ရွက်သွားမည်ဖြစ်ပါ သည်။ အဖွဲ့ချုပ်ရဲ့ ရှေ့လုပ်ငန်းစဉ်တွေကိုလည်း ဖွဲ့စည်းပုံစည်းမျဉ်းအသစ်အရ ဆောင်ရွက်သွား မှာဖြစ်ပြီး အဖွဲ့ချုပ်ကြီးကို ယခင်ကထက် ဘဏ္ဍာရေး၊ စည်းရုံးရေး၊ စွမ်းဆောင်ရည် နှင့် ဝန်ဆောင်မှု ပိုမိုတောင့်တင်း ခိုင်မာကောင်းမွန်ပြီး တစ်နိုင်ငံလုံး ဖြန့်ကျက် လွှမ်းခြုံနိုင်သော ခရီးသွား အဖွဲ့ချုပ်ကြီးအဖြစ် ရပ်တည်နိုင်ရေးအား အထူးအလေးထား ဆောင်ရွက်သွားမှာဖြစ်ပါ တယ်။
နိဂုံးချုပ်အားဖြင့် မြန်မာနိုင်ငံခရီးသွားလုပ်ငန်းအဖွဲ့ချုပ်သည် ဟိုတယ်နှင့်ခရီးသွားလာရေးဝန်ကြီးဌာန၏ လမ်းညွှန်မှု၊ ညီနောင်အသင်းများ၏ ပူးပေါင်းပါဝင်ကြိုးပမ်းအားထုတ်မှု များမှ တဆင့် မြန်မာနိုင်ငံအား တစ်နှစ်ပတ်လုံး လည်ပတ်နိုင်သည့် ထင်ရှားကျော်ကြားသော ခရီးစဉ်တစ်ခုအဖြစ် အတူတကွ ပူးပေါင်းဖော်ထုတ်ကြပါစို့လို့ တိုက်တွန်းပြောကြားရင်း နိဂုံးချုပ်ပါတယ် ခင်ဗျာ…

ရန်ဝင်း
ဥက္ကဌ
မြန်မာနိုင်ငံခရီးသွားလုပ်ငန်းအဖွဲ့ချုပ်